Hér er skrif mín í kynningarbæklinginn

19.11.2006 | 00:30

Hér er skrif mín í kynningarbæklinginn

Ég er deildarstjóri á sambýli og þar hef ég starfað síðustu ár eða síðan ég var í heimspekinámi við Háskóla Íslands árin 1996 – 2000. Í þessu starfi hef ég kynnst hve öryrkjum og fötluðum er oft þröngur stakkur búinn.

Ég er virkur innan stéttarfélags míns, SFR – stéttarfélag í almannaþjónustu. Ég er trúnaðarmaður, er í ritnefnd SFR-blaðsins og er í samstarfsnefnd sem semur um kjaramál og vinnur að launajafnrétti og fleira. Einnig er ég í stýrihópi ungra í SFR.

Ég berst fyrir kvenfrelsi og er m.a. í karlahópi Femínistafélags Íslands og hef unnið í átaksverkefnum gegn nauðgunum. Kynbundið ofbeldi er það þjóðfélagsböl sem ég tel nauðsynlegast er að berjast gegn.

Ég hef unnið fyrir Samtök Herstöðvaandstæðinga síðan ég man eftir mér og var ritari samtakanna um tíma. Það er enn herstöð á Íslandi og hið sígilda slagorð “Ísland úr Nató, herinn burt” enn í fullu gildi.

Ég er náttúruunnandi finnst ekkert annað koma til greina en að börn mín fá að ferðast um ósnortið Ísland í framtíðinni.

Ég á yndislega fjölskyldu og tek undir stefnu Vinstri-grænna í fjölskyldumálum. Ég er kvæntur Olgu Friðriku Antonsdóttur leikskólakennara og á tvö börn, Elvar Aron, 6 ára og Matthildi, 2 ára. Foreldrar mínir eru Unnur Jónsdóttir leikskólastjóri og Atli Gíslason lögmaður.

Ég vona að störf mín sýni hvað stend ég stend fyrir og ég fái stuðning þinn í forvalinu. Frekari upplýsingar um baráttumál mín eru á fred.blog.is

Flokkur: Stjórnmál og samfélag | Facebook